Cellani and Lenati,
the braw Italianati,
POWs
doon in Robinsland Farm.
Cellani and Lenati,
nae mair spaghatti,
they miss their Tally grub
doon in Robinsland Farm.
Cellani and Lenati
diggin the potati,
they’re fryin up chips
doon in Robinsland Farm.
Cellani and Lenati
say we’re daft as a banani,
they’re great for a laugh
doon in Robinsland Farm.
Cellani and Lenati
dinnae drive a Bugatti
but they gie tractor rides
doon in Robinsland Farm.
Cellani and Lenati
brew rosehip Frascati,
we’re gonnae hae a party
doon in Robinsland Farm!
Cellani and Lenati
Cellani and Lenati
Braw Italianati,
Braw Italianati
Lenati’s in la notte
speakin sotto voce
Mary’s in her nightie
in the braw moonlightie
Lenati and his lassie
doon in Robinsland Farm.
Mary and Lenati,
bye-bye, ma bonnie birdie,
Mary and Lenati,
so long, arrivederci,
Mary and Lenati,
triste, triste,
Mary, lassie, Mary,
forget aboot Lenati,
Mary, lassie, Mary,
mind on Mussolini,
ye cannae love Fascisti
cut yer losses, lassie –
leave.
